Galtzagorri Elkartearen webgunea

2010 | Irabazleak

Atzean dena utziDanniela Perdomo Salazar

Ezin denean ezer ahaztu,

hobe da pentsatu

zenbat ez dudan galdu

nahiz eta zu ez maitatu.

 

Une batean gertatu zen,

oso denbora motzean.

Hori ere atzeratu nahi nuke,

ekaitza baitator oroipenen atzean.

 

Irudiak datozenean burura,

bai egunez, bai gauetan,

dena geldituz doala

gogoratzen dut bat-batean.

 

Garai batean ekaitza haizea izan.

Ez nuen ikusten,

baina nabaritu bai;

maitasuna zebilen

nire azalean zehar.

 

Garai batean…

Zerua beti urdin, eguzkia erdian,

eta ni… ni, ume txikia.

Edo hobe esanda, neskatila.

 

Pozik bizi, itxaropenez betea,

Baina azkenean, egia etorri,

azkar, korrika,

eta gure aldera.

 

Orduan konturatu.

Dena atzean utzi beharra.

Azkenean, Ilargiari eskatu,

minez, gauza bakarra…

 

Garagar zelai itzelean

erdi ezkutuan, ihes egin,

eta bakardadean…

zin egin, odolarekin.

 

Zu beti gogoan izan,

hau da, hemen gelditu,

ez da errazena, ez zuzenena

baina bihotzak arrazoiak ditu.

 

Edo jarraitu bizitza,

nahiz eta zu egon hilda.

Ez daude aukera anitzak,

ezta okerrak ere.

 

Hala ere, hemen gelditzen banaiz

dena atzeratzen dut

eta jarraitzen badut,

dena atzean uzten dut.

 

Ezin denean ezer ahaztu

hobe da pentsatzea

gero eta gutxiago geratzen dela

Berriro, zeruan, ikusteko zure aurpegia.

atzera