2009
OrtzadarraOrreaga
Euria nahastu da eguzki izpiekin,
Zientifikoki esplika daitekeen fenomeno hura sortu da ortzi-mugan;
Zazpi kolore
Zazpi esanahi
Zazpi sentimendu
Zazpi nortasun
Zazpiak bat
Hezetasun usaia
Tantak itsasoaren aurka talka eginez
Tantak asfaltoaren aurka talka eginez
Tantak ene soineko zurian talka eginez
Mmm,sentitzen dut bai izpi bat masailean
Bai,sentitzen dut izpi bat asfaltoan
Bai,sentitzen dut izpi bat itsasoan
Bai,sentitzen dut izpi bat ene soineko zuri bustian
Taupadak bizkortu zaizkit gorria iritsi denean,
Pasioaren gorria
Pasioa iritsi da ezpainetara
Pasioa iritsi da masailera
Pasioa iritsi da asfaltora
Pasioa iritsi da itsasora
Pasioa iritsi da ene soineko zuri,busti eta distiratsura
Laranja pausatu da nire bekokian
Alaitasuna dakarkidan laranja
Pausatu da alaitasuna bekokian
Pausatu da alaitasuna ezpainetan
Pausatu da alaitasuna masailean
Pausatu da alaitasuna asfaltoan
Pausatu da alaitasuna itsasoan
Pausatu da alaitasuna ene soineko zuri,busti,distiratsu eta apasionatuan
Onartu dut bat-bateko horiaren agerraldia
Kementsua bihurtzen nauen horiaren agerraldia
Onartu dut kemena begietan
Onartu dut kemena bekokian
Onartu dut kemena ezpainetan
Onartu dut kemena masailean
Onartu dut kemena asfaltoan
Onartu dut kemena itsasoan
Onartu dut kemena ene soineko zuri,busti,distiratsu,apasionatu eta alaian
Eta nabari dezaket berdea,
Itxaropenaren aireak bultzatuta
Nabari dezaket itxaropenaren airea belarrietan
Nabari dezaket itxaropenaren airea begietan
Nabari dezaket itxaropenaren airea bekokian
Nabari dezaket itxaropenaren airea ezpainetan
Nabari dezaket itxaropenaren airea masailean
Nabari dezaket itxaropenaren airea asfaltoan
Nabari dezaket itxaropenaren airea itsasoan
Nabari dezaket itxaropenaren airea ene soineko zuri,busti,distiratsu,apasionatu,alai eta kementsuan
Hegikatu da urdina
Bat-batean lizunkeriaz bete den urdina
Lizunkeria hegikatu da bularretara
Lizunkeria hegikatu da belarrietara
Lizunkeria hegikatu da begietara
Lizunkeria hegikatu da bekokira
Lizunkeria hegikatu da ezpainetara
Lizunkeria hegikatu da masailera
Lizunkeria hegikatu da asfaltora
Lizunkeria hegikatu da itsasora
Lizunkeria hegikatu da ene soineko zuri,busti,distiratsu,apasionatu,alai,kementsu eta itxaropentsura
Dastatzen dut morea
Malenkoniaren morea
Dastatzen dut malenkonia bihotzean
Dastatzen dut malenkonia bularretan
Dastatzen dut malenkonia belarrietan
Dastatzen dut malenkonia begietan
Dastatzen dut malenkonia bekokian
Dastatzen dut malenkonia ezpainetan
Dastatzen dut malenkonia masailean
Dastatzen dut malenkonia asfaltoan
Dastatzen dut malenkonia itsasoan
Dastatzen dut malenkonia ene soineko zuri,busti,distiratsu,apasionatu,alai,kementsu, itxaropentsu eta lizunean.
Dena desagertu da orain,
Hodeia etorri da
Eguzkia joan da
Eta ukitu dut beltza
Iluntasunaren beltza
Iluntasuna ariman
Iluntasuna bihotzean
Iluntasuna bularretan
Iluntasuna belarrietan
Iluntasuna begietan
Iluntasuna bekokian
Iluntasuna ezpainetan
Iluntasuna masailean
Iluntasuna asfaltoan
Iluntasuna itsasoan
Iluntasuna ene soineko jada beltzean.Beltza.
Baina nik GORRIA nahi dut
Pasioaren gorria
LARANJA nahi dut
Alaitasunaren laranja
HORIA nahi dut
Kemenaren horia
BERDEA nahi dut
Itxaropenaren berdea
URDINA nahi dut
Lizunkeriaren urdina
MOREA nahi dut
Malenkoniaren morea
Baita ene soineko ZURIA
Bai,berreskuratu nahi ditut zazpiak
Berreskuratu nahi ditut
Pasioa
Alaitasuna
Kemena
Itxaropena
Lizunkeria
Malenkonia
Berreskuratu nahi dut ene soineko zuri,busti,distiratsu,apasionatu,alai,kementsu,itxaropentsu,lizun eta malenkoniatsua.
Zazpi kolore
Zazpi esanahi
Zazpi sentimendu
Zazpi nortasun
Zazpiak bat
Baina zergatik ikusten dut dena beltza?
Zergatik etorri da hodeia?
Zergatik joan da eguzkia?
Ene mundu ilun honetan zazpi argi piztu nahi ditut
Zazpi izar
ZURI
GORRI
LARANJA
HORI
BERDE
URDIN
MORE
Beltza estaliz
Iluntasuna estaliz
Ene beldur guztiak ezabatuz
Ene gezur guztiak oihukatuz
Ene arima askatuz
Zazpiak bat eginez
Berriro nire soineko zuria jantziz
Berriro zientifikoki esplika daitekeen fenomenoa begiratuz ortzi-muga amaigabean.
atzera
Sariak
Galtzagorri Elkartea · Zemoria 25, Behea 20013 Donostia