2008
Ku-KuSurtxin
Ku-ku
Eguzki urratuan,
begirada mingarria,
lakuaren isladan,
itzal beltza.
Ku-ku
Zu, zeruaren
bizia,
argia,
mamia.
Zu, basoaren
Ametsa,
hatsa,
hotsa.
Ku-ku
Zu, udaberriaren bozeramaile,
zu, gau gazia,
zu, haize leuna,
zu su bitxia.
Ku-ku
Zu ez bazina,
non egongo udaberria?
Udaberria da,
nire ametsen grazia.
Udaberria da,
neguaren tristura.
Zu ez bazina,
non egongo haizearen irria?
Irria da,
nire saminaren zama eusten duena.
Irria da,
nik sentitzen dudana zure hots bixia entzuterakoan.
Zu ez bazina,
non egongo irudimenaren pitxia?
Pitxia da,
nire kezken erantzuna.
Pitxia da,
Itsasoaren altxorrik isilena.
Ku-ku
Udaberria, irria, pitxia
Kukuaren kantua.
Begirada mingarria,
Itzal beltza,
nire bihotzaren malkoa,
udaberriaren azken kukua entzuterakoan.
KU-KU
atzera