Galtzagorri Elkartearen webgunea

2008

Zuk eta biokX

Udazken huts batean,

zuhaitz babes gabeen

eta negartien magalean,

inork,

ez egun hotzetan,

ezta gau latzetan ere,

estaliko ez dutenen saminez,

bizia galdu duten hosto ximelek

triste bezain atsekabetuek,

bere buruaz beste eginez

sortutako estalki zabal

eta monotonoan eserita

begiztatu zaitut.

Une batez, soil, bakar batez,

pentsamenduak ospa egin

garuna zuri,

aurpegia zurbil,

danbor soinua barnean

taupadak,

bihotza oihuka

atera nahian,

gorputza dantzan

urduritasuna nagusi ,

arnastu ezinean

zuk begiratzen,

zuk, ni ikustean.

Oinak bakarrik dabiltza

gure gorputzaren nagusi bakarrak bailiran a

urrerantz, pausoz pauso

aurrerantz, ni zuganantz

aurrerantz, zu niganantz.

Zure begi distiratsu eta beteek

nire huts ilunen tunelean sartuaz

bidea zeharkatu dute,

zuzenean nire gogoeta zentzugabeetan barruratuta

oztopo eta hesi oro gaindituz,

bete-betean murgilduta

bertan argitasun oparoa zabalduz.

Urratsek eginiko bideak

gu bion arteko

adostasun mutu batera

eraman gaituzte,

elkartu gaituzte.

Gure arteko espazioa gutxituz joan da

gertutasuna sortu arte

lotura apurtezin bat

biok babestuko duguna,

ZUK ETA BIOK.