Galtzagorri Elkartearen webgunea

2008

Ideien kateaKerri

Batzuentzat, orria zuri

Besteentzat, ideiak argi

Batzuentzat, boligrafoa hutsik

Besteentzat askatasun asti

Liburu bakoitza mundu bat da

Letra bakoitza munduaren zati

Gure barrena mundua baita

Horregatik egiten dut ba idatzi

Liburuaren orriak, haizearen menpe

Gure bizitzaren liburua, denboraren menpe.

Orriak pasa ahla, gure jakinduria handi

Ezin dugu ba utzi, gure liburua zuri.

Beraz boligrafoa eskutan

Hasi da kantuan

Neure barrena

 Askatzeko asmotan

Nahi gabe ere, lerroak idatzi

Geure barneko mundua

Letren urjauzi

Idatz dezagun ba

Barrena askatu artean.

Seguruena da

Inoiz ez amaitzea

Itsasoa, zabala

Lautadak, loreak

Gure ametsen mundua

Lerroz beteak

Papera amaitzea

Hori bai muga.

Gertatuko ez balitz

Poesia amaigabea.

Barrenak dantzan

Alai kantuan

Letren jarioa

Pixkanaka paperean.

Lerro piloa

Mundua menpean

Ideien jauzia

Kontrolatu nahiean

Ideien kantua

Kate gogorrak

Harrapatuz gero

Askatu gogoak.

Papera bukatuz

Noa azkenean

Baina zer egin

Nahikoa ez denean?

Idatzi...